რას წაიკითხავთ ქართულ-იტალიური გაზეთ ''ქართული ფესვები''-ს ახალ ნომერში - KN TV

ქართულ-იტალიური ტელევიზია

რას წაიკითხავთ ქართულ-იტალიური გაზეთ ”ქართული ფესვები”-ს ახალ ნომერში

შეგახსენებთ,რომ 9 აპრილს,ქ.ფლორენციაში, ქართულ-იტალიური გაზეთის “ქართული ფესვების” პრეზენტაცია გაიმართა,რომლის დამფუძნებელი გახლავთ, ქართველი ემიგრანტი ნინა სიბოშვილი.

გაზეთის ტირაჟი ყოველთვიურია და ის 16 გვერდს შეიცავს,აქედან 4 იტალიურეოვანია.გაზეთის ამ ნაწილის მიზანია, იტალიელებს საქართველო და ქართველები გააცნოს. ქართულენოვანი 12 გვერდი, მოიცავს სხვადასხვა მრავალფეროვან რუბრიკას: კულტურა, ხელოვნება, წერილები, უფლებების დაცვა, პოეზია, კულინარია, მილოცვები, იუმორი…

გთავაზობთ ინტერვიუს, გაზეთის მთავარ რედაქტორთან,ნინა სიბოშვილთან.

რას გავეცნობით გაზეთის მეორე ნომერში ?

-ნომერს გთავაზობთ ახალი რუბრიკებით, როგორიცაა იუმორი, მე პატარა ქართველი ვარ ( პატარების ფოტოებით) , და იტალიური ენის შესწავლა,რომელსაც სპეციალურად გაზეთისთვის გვიწერს აკადემიკოსი ბ. გიორგი ბუხნიკაშვილი,ასევე აღსანიშნავია ტრანსფორმაციული ქოუჩი, ფსიქოკონსულტანტი, მედიატორი და პედაგოგი ქალბატონი ნონა მაჭარაშვილის სტატია, რომელიც მოგვითხრობს თუ რამდენად მნიშვნელოვანია ემიგრანტისთვის ფსიქოკონსულტაციები.

-გაზეთის მეორე ნომერში ქ.ფლორენციის ემიგრანტებსაც ხომ არ გაიცნობს თქვენი მკითხველი ?

-დიახ,ბევრ ქართველ ემიგრანტს გაიცნობთ ქ.ფლორენციიდან და არამარტო.მეორე ნომერში მწერალ ნინო ზამბახიძის გაეცნობა მკითველი, რომელიც ფლორენციის ემიგრანტია. გაეცნობით პოეტს- ბელა მოდებაძეს, მის შემოქმედებით მოღვაწეობას,ასევე ემიგრანტი შვილის სევდიან ისტორიას,რომელიც გულგრილს არავის დატოვებს.

– რა არის 4 გვერდიანი იტალიურენოვანი სტატიების მიზანი?

ჩვენი იტალიელი მეგობრები გაეცნობიან საქართველოს რეგიონებს,ასევე საქართველოსა და უცხოეთში ჩვენთვის ცნობილი და საამაყო ქართველების შესახებ,რომლებსაც ცალკე რუბრიკა დაეთმობათ.მაგ.გაზეთის მეორე ნომრის რუბრიკა- ქეთი მელუას მიეძღვნა,მწერალ ეკა ოთარაშვილის შემოქმედებას და მხატვარ ნიკო ფიროსმანს,რომელზედაც დარწმუნებული ვარ,აქამდე ბევრ იტალიელს უკვე არაერთხელ სმენია.

– როგორც ვიცი,თქვენ საქართველოში იმყოფებით,ეს საქმიან ვიზიტს უკავშირდება ?

დიახ,ასეა.სამუშაო ვიზიტით ვიმყოფები საქართველოში და ვაწარმოებ სხვადასხვა მოლაპარაკებებს.უკვე მქონდა ინტერვიუ სხვადასხვა მედიამაუწყებელთან, როგორიცაა :ტელეკომპანია ,,ქართული TV”, ინტერნეტ ტელევიზია ”’STARS TV” და სხვა.

-სად არის შესაძლებელი გაზეთის შეძენა?
ქ.ფლორენციაში,რომში,პრატოში და ბარში.ასევე თუ იქნებიან მსურველები სხვა ქალაქში მცხოვრები ქართველი ემიგრანტები,შეგვიძლია მათაც გავუგზავნოთ სასურველ მისამართზე.ფლორენციაში მცხოვრები ქართველი ემიგრანტებისთვის,ვინც 24 საათიან სამსახურში მუშაობს და არ აქვთ გარეთ გამოსვლის შესაძლებლობა,საკომისიოს გარეშე მიაწვდით ჩვენი კურიერი.
თქვენი სამომავლო გეგმების შესახებაც ხომ არ მოგვიყვებით ორიოდე სიტყვით?
– თქვენი ტელევიზიისთვის ექსკლუზიურად ამ სიახლესაც გაგიზიარებთ.ძალიან მალე,ამერიკაში გავემგზავრები და ძალიან ბევრ სიახლეებს შემოგთავაზებთ.ძალიან დიდი მადლობა,თქვენს ინტერნეტ ტელევიზია KN TV-ის გაზეთ ,,ქართული ფესვების” მხარდაჭერისთვის.დარწმუნებული ვარ ჩვენი თანამშრომლობა,მნიშვნელოვან წვლილს შეიტანს და ხელს შეუწყობს საქართველოს ცნობიერების გაზრდას. გისურვებთ ერთგულ მაყურებელს და გულშემატკივარს.
– ძალიან დიდი მადლობა ქ.ნინა,რომ დრო გამოყავით,გაზეთ ,,ქართულ ფესვებს” ვუსურვებ წარმატებებს,ტირაჟის გაზრდას და ერთგულ მკითხველს.
-ჟურნალისტი: ქეთი ნოგიევა

2 thoughts on “რას წაიკითხავთ ქართულ-იტალიური გაზეთ ”ქართული ფესვები”-ს ახალ ნომერში”

Leave a Reply

Your email address will not be published. Required fields are marked *

KN TV

P.IVA 03892120795
DOMICILLIO DIGITALE/PEC kntv@pec.it
Indirizzo Sede FIRENZE (FI) Numero repertorio economico amministrativo (REA) Fi-693757
KNTVMEDIA.COM DI KN TV

© KNTVMEDIA.COM – All rights reserved. 2023