ვუგულშემატკივროთ ქართველ მომღერალს,ლინა წიკლაურს - KN TV

ქართულ-იტალიური ტელევიზია

ვუგულშემატკივროთ ქართველ მომღერალს,ლინა წიკლაურს

იტალიის ქალაქ უდინეს საერთაშორისო კონკურსში ქართველი სოპრანო, ნოდარ ანდღულაძის სახელობის საერთაშორისო კონკურსის გრან-პრის მფლობელი, ასევე, არაერთი პრესტიჟული საერთაშორისო კონკურსის ფინალისტი, მდიდარი ვოკალური მონაცემებით, დახვეწილი საშემსრულებლო ტექნიკით, სცენური მომხიბვლელობითა და ინტელექტით ცნობილი ლინა წიკლაური მონაწილეობს. კონკურსი, ამ ეტაპზე, ონლაინ მიმდინარეობს. ლინა უკვე ნახევარფინალშია და იმისთვის, რომ ფინალში მოხვდეს და გამარჯვებულის ტიტული მოიპოვოს ჟიურის შეფასებასთან ერთად საჭირო ხმების რაოდენობა უნდა მოაგროვოს.  ამისათვის კი უნდა გადავიდეთ ბმულზე და კომენტარებში დავწეროთ vote Lina Tsiklauri 

მარიამ ლინა წიკლაურმა დაამთავრა ზ. ფალიაშვილის სახ. ცენტრალური სამუსიკო სასწავლებელი /ნიჭიერთა ათწლედი/, თბილისის სახელმწიფო კონსერვატორიის ბაკალავრიატი და მაგისტრატურა სოლო სიმღერის სპეციალობით. კონსერვატორიის საოპერო სტუდიის დადგმებში შესრულებული აქვს წამყვანი პარტიები: ქეთო – ვ. დოლიძის „ქეთო და კოტეში“, სუზანა – მოცარტის ოპერაში „ფიგაროს ქორწინება“, პაპაგენა – მოცარტის „ჯადოსნური ფლეიტა“, ჯილდა – ვერდის ”რიგოლეტო“, ლაურეტა და მუზეტა პუჩინის ოპერებიდან „ჯანი სკიკი“ და „ბოჰემა“. 2023 წელს ჰქონდა მეტად წარმატებული დებიუტი ევროპაში – მიიწვიეს შვეიცარიაში, ტიჩინოს საერთაშორისო ფესტივალზე, სადაც შეასრულა ელიზეტას მთავარი პარტია  დ. ჩიმაროზას ოპერაში „საიდუმლო ქორწინება“, 2024 წელს იტალიის ქალაქ მონცას ოპერის მიწვევით შეასრულა ნორინას პარტია დონიცეტის ოპერაში „დონ პასკუალე“, იგივე პარტია, ოღონდ განსხვავებული დადგმით შეასრულა ლუქსემბურგის საოპერო თეატრში. მონაწილეობდა არაერთ კონცერტში, მათ შორის, კონფლიქტისპირა რეგიონებში გასვლით კონცერტებში თბილისის ოპერის თეატრის დასთან ერთად.

Leave a Reply

Your email address will not be published. Required fields are marked *

KN TV

P.IVA 03892120795
DOMICILLIO DIGITALE/PEC kntv@pec.it
Indirizzo Sede FIRENZE (FI) Numero repertorio economico amministrativo (REA) Fi-693757
KNTVMEDIA.COM DI KN TV

© KNTVMEDIA.COM – All rights reserved. 2023