წარმატებული ქართველი დიზაინერი, ნაქსოვი სამოსისა და ხელნაკეთი ნივთების უნიკალური ბრენდის დამფუძნებელი, ლია დავითაშვილი, ქართული მოდის ინდუსტრიაში განსაკუთრებულ ადგილს იკავებს. მისი შემოქმედება სინთეზს ქმნის და ტრადიციულ ხელოვნებასა და თანამედროვეობას შორის, რაც მას არაერთ საერთაშორისო პლატფორმაზე გამოჩენის შესაძლებლობას აძლევს. ქართველი დიზაინერი, არამხოლოდ საქართველოში, არამედ მსოფლიოს წამყვან ქალაქებში ჩატარებული გამოფენების აქტიური მონაწილეა. მისი ნამუშევრები წარმოდგენილი იყო ვენაში,პრაღაში, პარიზში, სტამბოლში, ბრიუსელსა და ნიუ-იორკში გამართულ გამოფენებზე, სადაც დიზაინერის ინდივიდუალური ხელწერა და მაღალი ხარისხის პროდუქცია განსაკუთრებულად გამოირჩეოდა. აღსანიშნავია, რომ მის წარმატებაში საკმაოდ დიდი წვლილი, აკადემია ”გვირილას” მიუძღვის.
დავითაშვილის მიერ შექმნილი პროდუქცია გამოირჩევა ინდივიდუალური სტილითა და მაღალი ხარისხით. მისი სამოსი გათვლილია ყველა ასაკის მომხმარებელზე, რაც მას უფრო ხელმისაწვდომსა და უნივერსალურს ხდის. კომფორტულობა, სინატიფე და სიმსუბუქე — ეს ქალბატონი ლიას ბრენდის მთავარი მახასიათებლებია. სწორედ, ამ თვისებებმა აქცია იგი ერთ-ერთ ყველაზე წარმატებულ და საყვარელ დიზაინერად საქართველოში და მის ფარგლებს გარეთ.
საინტერესო ფაქტია, რომ ევროვიზიის ფესტივალის ისტორიაში პირველად, ფართომასშტაბიან კონკურსზე აკრედიტებულმა ჟურნალისტმა, ქეთი ნოგიევამ, ექსკლუზიურად მოირგო ქართველი დიზაინერის — ლია დავითაშვილის მიერ შექმნილი სამოსი. ეს შემთხვევა კიდევ ერთხელ უსვამს ხაზს ქართველი დიზაინერის წარმატებას და მის გავლენას საერთაშორისო მოდის სივრცეში.
ლია დავითაშვილი დღეს ერთ-ერთი ყველაზე წარმატებული ქართველი დიზაინერია, რომლის შემოქმედება მსოფლიო დონის ფესტივალებსა და კონკურსებზე იღებს აღიარებას. ის იმ დიზაინერთა რიგში დგას, ვინც ღირსეულად წარმოადგენს საქართველოს გლობალურ მოდის სივრცეში და თავისი შემოქმედებითი ქვეყნის კულტურულ იმიჯსაც ავითარებს.
ქართულ-იტალიური ტელეკომპანია KN TV წარმატებას უსურვებს ქართველ დიზაინერს და მადლობას უხდით თანამშრომლობისთვის ქართველ დიზაინერს, ლია დავითაშვილს; აკადემია ”გვირილა”-ს წევრს, ფილოლოგსა და KN TV-ს პიარ მენეჯერს, ქ.ნ ია ჯღარკავას
ჟურნალისტი: ქეთი ნოგიევა